Талыкпай эмгек кылдың балаң үчүн
Таш жарып кетүүгө да даяр күчү
Талпынтып ак бешикке бөпөлөгөн
Апамдан аядымбы жүрөгүмдү?

Сапарда кийим алдым балам үчүн
Байлыкты үйүп салдым өзүм үчүн
Мээримсиз ушунчалык таш боормунбу
Оо достор эмне кылдым апам үчүн?
Эненин жүрөгүндө мээрим көлү
Эненин таманында бейиш төрү

Беш колум тең жумшадым дүнүйөгө
Кызыгып кайдагы бир көз көргөнгө
Колумда баары түгөл турса дагы
Апаке ыраа көрбөй бир өзүңө

Эсине келди мына бүгүн уулуң
Энеке өзүңүзгө мен кайрылдым
Энеге жетпей жүргөн канча жан бар
Энеси бар адамдын бактысы бар